Një komitet i Kongresit Amerikan rekomandon katër akuza penale kundër Trump 

Një komitet i Kongresit amerikan rekomandon ngritjen e katër kallëzimeve penale kundër ish-presidentit Donald Trump, ka konfirmuar përfaqësuesi i atij organi, Jamie Raskin, transmeton BBC.

Megjithatë, siç raporton BBC, kjo nuk do të thotë kallëzim penal zyrtar, pasi i takon Ministrisë së Drejtësisë të akuzojë individët, por është vetëm një rekomandim.

Akuzat për pengim të procedurave zyrtare, komplot për të mashtruar Shtetet e Bashkuara, komplot për të bërë një deklaratë të rreme dhe ndihmë dhe nxitje për kryengritje do t’i rekomandohen departamentit.

“Sistemi ynë i drejtësisë nuk është një sistem ku ushtarët shkojnë në burg dhe drejtuesit e grupit marrin një leje falas,” tha Raskin.

Departamenti i Drejtësisë po kryen hetimin e tij të veçantë për trazirat dhe qindra njerëz janë pranuar fajtorë për akuzat federale si rezultat.

Një zëdhënës i Ministrisë së Drejtësisë i tha partnerit amerikan të BBC-së CBS se nuk kishin asnjë koment.