Një mjet shpërthen në kufirin Kanada-SHBA, mbyllen përkohësisht 4 pikë-kalimet

Një automjet ka shpërthyer në një urë që lidh SHBA-në dhe Kanadanë.

Lajmin e kanë bërë të ditur mediat e huaja, sipas të cilave FBI ka thënë se situata është “kritike”.

Shpërthimi besohet të ketë ndodhur në një pikë kontrolli në Urën Rainbow në Ujëvarat e Niagarës.

Pamjet dhe videot që supozohet se janë realizuar nga skena, treguan një zjarr dhe atë që mendohej se ishin mbeturina në tokë.

Edhe guvernatori i shtetit të Nju Jorkut konfirmoi gjithashtu se kishte pasur një incident në urë dhe autoritetet po monitorojnë nga afër situatën.

Në një deklaratë, guvernatorja Kathy Hochul tha: “Jam informuar për incidentin në ‘Urën e Ylberit’ në Ujëvarat e Niagarës dhe ne po monitorojmë nga afër situatën”.

“Agjencitë shtetërore janë në terren dhe të gatshme për të ndihmuar.”

Ura lidh të dy vendet përmes lumit Niagara.

Komisioni i urës së Niagara Falls raporton se të katër pikat kufitare që lidhin Ontarion në Kanada me Nju Jorkun perëndimor janë mbyllur.

Ato janë Rainbow, Lewiston, Whirlpool dhe Peace Bridges.

Në një deklaratë për ‘X’, FBI në Buffalo shkroi: “Zyra në terren e FBI, Buffalo po heton një shpërthim automjeti në Urën e Rainboë, një vendkalim kufitar midis SHBA-së dhe Kanadasë në Ujëvarat e Niagarës”.

“FBI po koordinon me partnerët tanë lokalë, shtetërorë dhe federalë të zbatimit të ligjit në këtë hetim. Duke qenë se kjo situatë është shumë kritike, kjo është gjithçka që mund të themi në këtë moment.”