11 emigrantë të vdekur pas përmbytjes së varkës në brigjet e Malajzisë

Një varkë që transportonte disa emigrantë Rohingya që largoheshin nga Mianmari është përmbytur pranë kufirit detar Tajlandë-Malajzi, duke vrarë të paktën 11 persona dhe duke lënë qindra të zhdukur.

Sipas raportimeve, autoritetet malajzeze gjetën shtatë trupa të dielën, përfshirë pesë gra dhe një vajzë.

Ndërkohë, ekipet kanë shpëtuar 13 të mbijetuar deri më tani, sipas Romli Mustafa, kreu i Agjencisë Malajziane të Zbatimit të Ligjit Detar (MMEA) në rajon.

Autoritetet tajlandeze thanë të hënën se kishin gjetur gjithashtu katër trupa të tjerë të pajetë, përfshirë ato të dy fëmijëve.

Sipas raportimeve, anija u fundos në ishullin Ko Tarutao të Tajlandës, pak në veri të ishullit Langkawi të Malajzisë, të dielën.

Autoritetet thanë se varka mbante rreth 70 persona dhe ishin pjesë e një grupi më të madh prej rreth 300 Rohingya që u nisën nga shteti Rakhine i Myanmarit tre ditë më parë se të ndahesin në anije më të vogla.

“Ndërsa iu afruan kufirit, ata u udhëzuan të transferoheshin në tre anije më të vogla, secila me rreth 100 persona”, tha shefi i policisë së shtetit Kedah, Adzli Abu Shah, për mediat lokale.

Sakaq, dy nga anijet mbeten të zhdukura dhe operacionet e shpëtimit po vazhdojnë kërkimet në një zonë pranë Langkawi, sipas mediave lokale.

“Ne i kemi kërkuar Agjencisë Malajziane të Zbatimit të Ligjit Detar dhe Policisë Detare të nisin operacionet e kërkim-shpëtimit dhe të kërkojnë anijet e tjera të zhdukura”, tha Adzli.

LEXONI GJITHASHTU:

• Merz: Refugjatët sirianë duhet të kthehen shtëpi ose do të përballen me dëbim
• 550 mijë refugjatë sirianë që jetonin në Turqi u kthyen në Siri pas rënies së Asadit