Njëmbëdhjetë të vdekur në Kosovë nga Covid-19

Njëmbëdhjetë qytetarë në Kosovë kanë humbur jetën si pasojë e COVID-19. Kjo e dhënë u bë publike nga ana e Institutit Kombëtar të Shëndetit Publik, cili thotë se janë evidentuar 202 raste të reja nga 2810 teste të kryera.

Si pasojë e COVID-19, në Kosovë kanë ndërruar jetë 2173 qytetarë, shumica e të cilëve me sëmundje të tjera shoqëruese.

“Numri total i rasteve pozitive është 105.188 raste nga 533.764 persona të dyshimtë në virusin SARS-CoV-2 dhe 2.173 raste të vdekjes. Gjatë 24 orëve të fundit, janë shëruar 646 pacientë derisa numri i përgjithshëm i të shëruarve deri më sot është gjithsej 94.174 raste, kurse numri i rasteve aktive është 8.841”, thekson IKSHPK-ja.

 Rastet pozitive janë nga komunat:

Prishtinë 52 raste, Podujevë 14 raste, Skenderaj 14 raste, Mitrovicë 12 raste, Ferizaj 11 raste, Gjilan 11 raste, Prizren 9 raste, Fushë-Kosovë 8 raste, Suharekë 8 raste, Gjakovë 7 raste, Klinë 6 raste, Obiliq 6 raste, Pejë 6 raste, Drenas 5 raste, Lipjan 5 raste, Malishevë 5 raste, Vushtrri 5 raste, Rahovec 3 raste, Deçan 2 raste, Istog 2 raste, Kaçanik 2 raste, Novobërdë 2 raste, Shtime 2 raste, Viti 2 raste dhe me nga një rast komunat Graçanicë, Hani i Elezit dhe Leposaviq.

Autoritetet shëndetësore kërkojnë nga qytetetarët të repektojnë masat anti-Covid, me qëllim pernegimin e përhapjes së infeksionit në popullatë.