“Njerëzit me ngjyrë nuk janë majmunë” – Demokrati përjashtohet nga fjalimi i Trump

Përfaqësuesi i Teksasit në Dhomën e Përfaqësuesve të SHBA-së dhe anëtari i Partisë Demokratike, Al Green, u nxor jashtë sallës së kongresit gjatë fjalimit të Presidentit të SHBA-së Donald Trump për Gjendjen e Kombit, për shkak se shpalosi një pankartë ku shkruhej “Njerëzit me ngjyrë nuk janë majmunë”.

Al Green u përjashtua nga Kongresi për herë të dytë gjatë vitit të kaluar gjatë fjalimit të Trump, kujton NBC News.

Ai shfaqi një banderolë në hollin e Dhomës së Përfaqësuesve ku shkruhej “Njerëzit me ngjyrë nuk janë majmunë”, gjë që u interpretua si një përgjigje ndaj videos që Trump publikoi në rrjetet sociale këtë muaj, në të cilën ish-Presidenti i SHBA-së Barack Obama dhe ish-Zonja e Parë Michelle Obama u përshkruan si majmunë.

Ndërsa një anëtar i sigurisë së kongresit e shoqëroi atë jashtë sallës së Dhomës së Përfaqësuesve, pak minuta pasi filloi fjalimi i Trump, Green valëviti flamurin e tij në drejtim të republikanëve, ku përfaqësuesi Troy Nels, gjithashtu nga Teksasi, u përpoq t’ia rrëmbente flamurin Al Green.

“Duke gjykuar nga shprehja e fytyrës së tij, ai e kuptoi mesazhin. Ai e pa dhe e kuptoi mesazhin”, tha Green në një intervistë me gazetarët.