Novak Djokovic mund Rafael Nadal dhe shkon në finalen e Roland Garros

Të premten, Novak Djokovic arriti të mposhtë Rafael Nadal duke i shuar shpresat e këtij të fundit për të fituar titullin e 14-të në Roland Garros.

Kjo ishte humbja e tretë e “Mbretit të fushave me dhe” në 108 takime të zhvilluara në këtë kompeticion.

Takimi që zgjati afërsisht 4 orë, u mbyll me fitoren 3-1 të tenistit serb.

Djokovic do të kërkojë të fitojë trofeun e dytë në Roland Garros dhe të 19-in Grand Slem në karrierën e tij, teksa në finalen e së dielës do të përballet me grekun Stefanos Cicipas.

Kjo është finalja e 29-të e karrierës së tij në Grand Slem, ndërsa e para për grekun Cicipas, i cili arriti të mposhtë në gjysmëfinale tenistin gjerman Aleksandër Zverev.

Rafa Nadal kishte arritur të fitonte 4 turnetë e fundit në Paris, pjesë e koleksionit të tij prej 20 titujsh Grand Slem, në të njëjtën kuotë titujsh me Roger Federer si tenistët më të suksesshëm në histori.

35-vjeçari spanjoll ka një rekord mbresëlënës në fushat me dhe, me 105 fitore kundrejt 3 humbjeve, dy prej të cilave të ardhura pikërisht ndaj serbit Djokovic.