Nuk arriti të shihte debutimin e të birit në Kupën e Botës, nëna e Vozinha-s merr vizë për të hyrë në SHBA

Nëna e portierit të Kepit të Gjelbër, Vozinha ka marrë vizë për të hyrë në Shtetet e Bashkuara në kohë për ndeshjen e ardhshme të Kupës së Botës të djalit të saj. Lajmin e njoftoi të mërkurën udhëheqësi demokrat i Dhomës së Përfaqësuesve, Hakeem Jeffries.

Vozinha u bë një sensacion i i Kupës së Botës pasi bëri pritje kyçe në barazimin 0-0 me Spanjën, një nga favoritët e turneut që pritej të shkatërronte Kepin e Gjelbër të vogël.

Pas ndeshjes, Vozinha tha se nëna e tij nuk kishte mundur të siguronte një vizë për të hyrë në SHBA për ta parë atë të luante.

Jeffries tha se foli me Sekretarin e Shtetit të SHBA-së, Marco Rubio, dhe i kërkoi Departamentit të Shtetit të bënte gjithçka që ishte në dorën e tij për të siguruar që nëna e tij të mund të merrte pjesë në ndeshjen e ardhshme.

Jeffries tha se të gjitha tarifat janë hequr dhe po bëhen rregullimet e udhëtimit për ta çuar atë në ndeshjen e ardhshme të Kepit të Gjelbër të dielën kundër Uruguait në Miami.

“Falënderoj Sekretarin Rubio, zyrtarët e Departamentit të Shtetit të SHBA-së, qeverinë e Kepit të Gjelbër dhe FIFA-n që punuan së bashku për ta bërë këtë të mundur”, tha Jeffries.

Vozinha bëri shtatë pritje kundër Spanjës, ndërsa Kepi i Gjelbër bëri një debutim mahnitës në Kupën e Botës.