Nuk ka marrëveshje, FIFA as nuk do ta shqyrtojë propozimin e Iranit

Ekipi i futbollit të Iranit, pavarësisht të gjitha ngjarjeve që kanë ndikuar në Lindjen e Mesme, ka dëshirën të jetë në Kupën e Botës që do të mbahet këtë verë në Shtetet e Bashkuara të Amerikës, Kanada dhe Meksikë. Për shkak të situatës së ndërlikuar politike, si dhe mungesës së bashkëpunimit me qeverinë amerikane në lëshimin e vizave dhe ofrimin e mbështetjes logjistike për ekipin iranian të futbollit, Abholfaz Psednideh, ambasadori i vendit në Meksikë, i propozoi FIFA-s që Irani të luante të gjitha ndeshjet në Meksikë.

Megjithatë, përgjigjja erdhi shpejt nga organizata ombrellë e futbollit botëror (FIFA):

“Jemi në kontakt me të gjitha vendet pjesëmarrëse, përfshirë Iranin. Presim që të gjitha ekipet të luajnë ndeshjet e tyre sipas orarit të shpallur më 6 dhjetor të vitit të kaluar”, tha një nga zëdhënësit nëpërmjet “The Athletic”.

Skuadra iraniane e futbollit është në Grupin G të Kupës së Botës së bashku me përzgjedhjet e Belgjikës, Egjiptit dhe Zelandës së Re. Gara duhet të fillojë më 15 qershor me një ndeshje kundër Zelandës së Re në stadiumin në Inglewood, ku duhet të garojë edhe me kombëtaren belge.

Ndeshja e fundit në fazën e grupeve të garës është planifikuar për 26 qershor, kur ata duhet të takohen me ekipin egjiptian në Seattle.