Çështja e të zhdukurve të luftës vë në pikëpyetje takimin Kurti-Vuçiç

Çështja e të zhdukurve të luftës ka vënë në pikëpyetje takimin Kurti-Vuçiç në fund të shtatorit.

Zv. kryeministri i Kosovës, njëkohësisht udhëheqësi i delegacionit kosovar në dialogun Kosovë-Serbi, Besnik Bislimi tha se nuk ka përparim të mjaftueshëm, të prekshëm për të organizuar një takim të udhëheqësve.

Deklaratat e tij u bënë të mërkurën në Bruksel, pas përfundimit të takimit me delegacionin serb, të ndërmjetësuar nga Bashkimi Evropian.

Takimi i sotëm u mbajt pavarësisht se palët një ditë më herët thanë që nuk nuk do të pranin të uleshin në tryezën e bisedimeve nëse merrte pjesë Velko Odalloviç, një person i shpallur non grata në Kosovë i konsideruar si një nga eksponentët kryesorë të regjimit të Slobodan Millosheviçit.

LEXONI GJITHASHTU:

Dialogu në rrezik, pala kosovare refuzon pjesëmarrjen e serbit të shpallur ‘non grata’ në tryezë