“Nuk ka vaksinë për parandalimin e kancerit”, thotë mjeku Alban Domi

Mjeku Alban Domi, tha se vaksina për të cilën po flitet nuk parandalon kancerin por është një vaksinë për trajtim.

Në një intervistë për Euronews Albania, Domi theksoi se kjo vaksinë do të përdoret pas operacionit për heqjen e masës tumorale.

Pra kjo vaksinë sipas tij është terapi kundër kancerit.

“Ka një numër të madh testesh klinike që janë duke u zhvilluar për  kancere të ndryshme. Janë dy elementë, së pari nuk mund të ketë një vaksinë të përgjithshme për kancerin. Kjo është një vaksinë për trajtim të kancerit dhe jo parandalim të tij. Përsa i përket vaksinës në fjalë, teknologjia ka ekzistuar dhe për më tepër ka dhe disa vaksina të aprovuara për leukemi dhe limfom.

Kjo teknologji përdoret vetëm në rastin kur trajtimet e tjera nuk japin rezultat. Kjo teknologj po tentohet të përdoret për masa tumorale. Kjo vaksinë do të përdoret kur të gjithë trajtimet e tjera që dështojnë dhe kryesisht do përdoret pas operacionit dhe shpresohet të ndihmojë në eliminimin e qelizave  tumorale. Është një terapi kundër kancerit por jo një vaksinë që parandalon kancerin”- tha Domi.

Në media pak ditë më parë u publikua lajmi se shkencëtarët po punojnë për një vaksinë kundër kancerit, e cila do të personalizohet për pacientët.

LEXONI GJITHASHTU: 

• Themeluesit e ‘BioNTech’: Vaksina kundër kancerit e mundur deri në vitin 2030 
• Vaksina kundër kancerit tek vajzat, Daja: Aplikohet që në moshën 13 vjeç