Protestat në Iran vazhdojnë – aktivistët po bëjnë thirrje për më shumë demonstrata dhe mosbindje civile.
Imazhet e fundit tregojnë protestuesit duke brohoritur “poshtë diktatorin” në qytetin me shumicë kurde të Sanandajt.
Irani po përballet me kritika të shtuara për mënyrën sesi po trajton protestuesit diçka që ambasadori i tij në OKB e ka hedhur poshtë.
“Të drejtat e lirisë së shprehjes dhe tubimit paqësor njihen nga Kushtetuta iraniane. Për më tepër, gëzimi i këtyre të drejtave nga populli iranian është mbështetur gjithmonë nga qeveria” u shpreh zyrtari i lartë.
Protestat janë tani në javën e tyre të gjashtë, të cilat nisën pas vdekjes së Mahsa Amini e cila ishte burgosur sepse kishte veshur keq hixhabin. Që nga ajo kohë më shumë se 1000 persona janë akuzuar në lidhje me protestat antiqeveritare dhe forcat e sigurisë akuzohen se kanë vrarë mbi 280 njerëz, përfshirë 45 fëmijë.
LEXONI GJITHASHTU
- SHBA paralajmëron Iranin: Nuk do të hezitojmë të mbrojmë partnerët
- Arabia Saudite dhe SHBA në gatishmëri pas paralajmërimit për një sulm nga Irani
- Irani shpall gjykime publike për rreth 1 mijë persona
