Numër i lartë viktimash nga COVID-19 në Kosovë, rriten infektimet

E enjtja ka sjellë sërish rritje të numrit të viktimave dhe infektimeve nga COVID-19 në Kosovë.

Ministria e Shëndetësisë në Kosovë ka bërë të ditur se gjatë 24 orëve të fundit 32 persona kanë humbur jetën për shkak të COVID-19.

Nga 13.953 testime të kryera, 1.612 qytetarë kanë rezultuar pozitiv me virusin COVID-19.

Sipas të dhënave të shëndetësisë, ditën e sotme janë shëruar 2.460 qytetarë, derisa numri i përgjithshëm i të shëruarve është 119.471.

Në 24 orët e fundit janë dhënë 20.618 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 862.224 doza të vaksinës.

Deri më sot 291.645 qytetarë janë vaksinuar me dozën e dytë.

Në total numri i rasteve aktive me COVID-19 në Kosovë është 26.524.