Numri i rasteve aktive me COVID-19 arrin mbi 200

Pas pikut më të ulët prej 52 raste aktive me COVID-19, numri i të prekurve gjatë ditëve të fundit ka nisur të rritet duke i kaluar 200.

Ministria e Shëndetësisë thotë se nga mbi 2 500 testime të kryera ditën e fundit, kanë rezultat të prekur 23 persona. Ndërkohë një ditë më parë u regjistruan 43 raste të reja duke shënuar numrin më të lartë ditor që prej datës 14 maj (49 raste).

Aktualisht janë 210 pacientë aktivë me COVID19 në të gjithë vendin kurse në Spitalin Infektiv po marrin trajtim spitalor të specializuar 5 pacientë.

Ndërkohë që prej 26 qershorit në Shqipëri nuk ka asnjë humbje jete nga coronavirus, kurse që prej fillimit të pandemisë janë regjistruar 2 456 të vdekur.

Rritja e rasteve të reja ditore vjen në një kohë kur ka dyshime për praninë e variantit “Delta”, ndërsa zyrtarisht një fakt i tillë ende nuk është konfirmuar.

Statistika (21 Korrik 2021)

Testime totale             865,474

Raste pozitive             132,763

Raste të shëruara       130,097

Raste Aktive                       210

Humbje jete                   2,456

Shpërndarja gjeografike e rasteve aktive sipas qarqeve:

Tiranë              91

Elbasan            21

Durrës              21

Vlorë                18

Kukës                16

Shkodër           14

Lezhë               13

Fier                   11

Korçë                4

Gjirokastër        1

LEXONI GJITHASHTU:

• Rakacolli: Nëse shifrat e COVID-19 do mbeten të qëndrueshme mund të hapemi totalisht
• Rritet ndjeshëm numri i rasteve ditore me COVID-19 në Shqipëri