Numri i të vdekurve pas tërmeteve që goditën Turqinë dhe Sirinë këtë javë është rritur në 23,726, sipas autoriteteve.

Në Turqi, numri i të vdekurve është rritur në të paktën 20,213 me 80,052 të tjerë të raportuar të lënduar, sipas ministrit turk të Shëndetësisë Fahrettin Koca.

Numri i përgjithshëm i vdekjeve në Siri është 3,384 – përfshirë 2,166 në zonat e kontrolluara nga rebelët në veriperëndim, sipas grupit të mbrojtjes civile të Helmetave të Bardha – dhe 1,347 vdekje në pjesët e kontrolluara nga qeveria të Sirisë, sipas mediave shtetërore siriane.

Një tërmet tragjik goditi Turqinë dhe Sirinë mëngjesin e së hënës.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave vazhdojnë punën për nxjerrjen e personave që ndodhen nën rrënoja.

LEXONI GJITHASHTU:

• 13 shkurti shpallet ditë zie në nder të viktimave të tërmetit në Turqi
• Shqiptarja në Turqi: Ka filluar më e keqja! Sikur të mos mjaftonte tërmeti, ka…