“Nxitje të protestave të dhunshme” – Arrestohet kreu i opozitës në Gjeorgji

Kryeministri i Gjeorgjisë tha të hënën se nuk do të hyjë ne negociata me opozitën, ndërsa mijëra vetë dolën sërish në rrugët e Tbilisit për të protestuar kundër vendimit për pezullim të bisedimeve për anëtarësim në Bashkimin Europian deri në vitin 2028.

Dhjetëra mijëra vetë, që mbanin në duar flamujt e Gjeorgjisë dhe të Bashkimit Europian, u mblodhën të hënën para parlamentit, në ditën e pestë të protestave, njoftoi agjencia franceze e lajmeve AFP.

Duke mos dhënë asnjë shenjë lëshimi, kryeministri Irakli Kobakhidze mbajti të hënën një linjë të ashpër ndaj demonstruesve, duke u thënë gazetarëve se “nuk do ketë negociata”. Ai pretendoi se protestuesit po “financoheshin nga jashtë” dhe u zotua se “nuk do ketë revolucion në Gjeorgji”.

Ai po ashtu kritikoi vendet perëndimore se dështuan të dënonin “dhunën e organizuar” nga protestuesit ndërsa kanë kritikuar përdorimin e tepruar të forcës nga autoritetet policore.

Policia shpërndau me dhunë protestuesit duke arrestuar qindra prej tyre, mes të cilëve kreun e opozitës, Levan Khabeishvili, i cili akuzohet për nxitje të protestave të dhunshme.

LEXONI GJITHASHTU:

• Nata e tretë radhazi e protestave në Gjeorgji! Protestuesit përplasen me policinë
• Shtetet baltike sanksione ndaj zyrtarëve gjeorgjianë për shtypjen e protestave