OFL u kërkon deklarimin e pasurisë dy të akuzuarve për trafikim të narkotikëve

Operacioni Forca e Ligjit u ka nisur kërkesat me shkrim për vetëdeklarimin e burimeve të pasurisë 2 shtetasve të akuzuar për trasfik të lëndëve narkotike.

Policia e shtetit bën me dije se u është kërkuar burimi i pasurisë shtetasve Alfred Beqiri, banues në Tiranë, i dënuar për veprën penale “Trafikimi i narkotikëve”;

Besim Zenuni, banues në Tiranë, i dënuar për veprën penale “Trafikimi i narkotikëve”, mbetur në tentativë.

“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme”,- thuhet në deklaratën e policisë.

Nga raportimi i policisë bëhet me dije gjithashtu se OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

Burimet bëjnë me dije se OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

Lexoni gjithashtu: 

GJKKO lë në fuqi pezullimin e Artan Shkëmbit, dekonspiroi informacionin e ardhur nga Gjermania për 2 trafikantë

Shtyhet gjyqi ndaj numrit 2 të OFL, Artan Shkëmbi akuzohet për nxjerrjen e të dhënave sekrete në këmbim të parave