OKB: Çmimet botërore të ushqimeve u rritën në korrik

Çmimet e ushqimeve në botë u rritën në korrik pas një rënieje dy mujore, sipas raportit të publikuar sot nga Organizata e Ushqimit dhe Bujqësisë (FAO) e Kombeve të Bashkuara.

Indeksi i çmimeve të ushqimeve të FAO-s u rrit në 123.9 pikë nga 122.4 pikë në qershor, por është 16.6 pikë më i ulët se në të njëjtin muaj të një viti më parë, sipas faqes së internetit të organizatës.

Vlera e këtij indeksi ishte 124.2 pikë në maj, dhe 127.7 pikë në muajin prill.

Në baza mujore, rritje e ndjeshme e çmimeve të vajrave bimore është shënuar si pasojë e rritjes së kërkesës botërore – me 12,1 për qind, si dhe rënies së dukshme të çmimeve të sheqerit – me 3,9 për qind, kryesisht për shkak të rezultateve të mira të korrjes së kallamsheqerit. nga Brazili dhe lajme pozitive nga India.

Në të njëjtën kohë, çmimet e drithërave ranë – në vlera mujore me 0,5 për qind, dhe qumështi – me 0,4 për qind, për të shtatën herë radhazi, si dhe çmimet e mishit – me 0,3 për qind.

LEXONI GJITHASHTU:

• 38,8% e shqiptarëve duhanpirës/ OBSH: Europa pa duhan deri në vitin 2040
• Java botërore e ushqyerjes me gji, OBSH: 48% e foshnjave ushqehen me gji