OKB kundër taksës për anijet në Ngushticën e Hormuzit: Precedent i rrezikshëm!

Organizata Ndërkombëtare Detare e OKB-së ka reaguar ndaj idesë së zyrtarëve iranianë për vendosjen e një takse për anijet që lundrojnë nëpër Ngushticën e Hormuzit, duke e konsideruar atë si një “precedent të rrezikshëm” që mund të kërcënojë lirinë e lundrimit ndërkombëtar.

Zëdhënësi i IMO-së theksoi se nuk ekziston asnjë marrëveshje ndërkombëtare që lejon tarifat për kalimin tranzit në ngushticat ndërkombëtare dhe se çdo veprim i tillë do të ishte në kundërshtim me Konventën e OKB-së mbi Ligjin e Deteve (UNCLOS).

Sipas UNCLOS, anijet kanë të drejtën e kalimit tranzit nëpër ngushticat ndërkombëtare, dhe shtetet që kufizohen nga këto rrugë detare nuk duhet ta pengojnë këtë të drejtë apo ta pezullojnë kalimin e anijeve. Qëllimi është të ruhet lundrimi i sigurt dhe pa pengesa për tregtinë dhe transportin detar global.