OKB: Rreth 360,000 njerëz janë larguar nga Rafah

Rreth 360,000 njerëz janë larguar nga qyteti më jugor i Gazës, Rafah gjatë javës së kaluar, sipas agjencisë kryesore të ndihmës së OKB-së në Gaza.

Njerëzit po largohen nga Rafah pas thirrjeve izraelite për evakuim përpara një ofensive të madhe tokësore të planifikuar. Të paktën 60,000 njerëz kanë ikur vetëm që nga e diela, sipas UNRWA.

“Ndërkohë, në veri të  Gazës, bombardimet dhe urdhrat e tjerë të evakuimit kanë krijuar më shumë zhvendosje dhe frikë për mijëra familje. Nuk ka ku të shkojë. Nuk ka siguri pa një  armëpushim”, tha UNRWA të hënën në X.

Philippe Lazzarini, Komisioneri i Përgjithshëm i UNRWA-s, paralajmëroi një ditë më parë se shumica e njerëzve në enklavë tashmë kishin lëvizur mesatarisht një herë në muaj për të shmangur bombardimet izraelite.

“Pretendimi për ‘zona të sigurta’ është i rremë dhe mashtrues. Asnjë vend nuk është i sigurt në Gaza”, tha ai.

Zyrtarët e lartë amerikanë  përsëritën paralajmërime të rrepta gjatë fundjavës kundër një pushtimi izraelit në Rafah, duke parashikuar se një ofensivë tokësore do të çonte në viktima të gjera civile.

LEXONI GJITHASHTU:

• Avancimi i forcave ruse, Ukraina shkarkon komandantin ushtarak në Kharkiv
• Vuçiç zbulon bisedën me Scholzin: Folëm për Asociacionin dhe serbët në Kosovë