OKB thirrje Trump të anulojë sanksionet ndaj Gjykatës Ndërkombëtare Penale
Organizata e Kombeve të Bashkuara ka shprehur keqardhje të thellë për vendimin e presidentit të SHBA, Donald Trump, për të nënshkruar një urdhër ekzekutiv që autorizon sanksione ekonomike të ashpra kundër Gjykatës Ndërkombëtare Penale (GJPN).
“Na vjen shumë keq për sanksionet individuale të shpallura ndaj personelit të GJPN-së dhe bëjmë thirrje që kjo masë të anulohet,” deklaroi zëdhënësja e Zyrës për të Drejtat e Njeriut të OKB-së, Ravina Shamdasani, sipas raportimeve të Agence France-Presse (AFP).
“Gjykata dënon vendimin e Shteteve të Bashkuara për të vendosur sanksione ndaj zyrtarëve të saj, duke përpjekur të dëmtojë punën e saj të pavarur dhe të paanshme,” u shpreh Gjykata në një deklaratë.
“Gjykata mbështet plotësisht stafin e saj dhe është e përkushtuar të vazhdojë të ofrojë drejtësi dhe të rikthejë shpresën për miliona viktima të pafajshme të mizorive në mbarë botën, sa herë që është e nevojshme,” thuhet në deklaratën e GJPN-së.
Presidenti amerikan Donald Trump nënshkroi një urdhër ekzekutiv për të vendosur sanksione ndaj GJPN-së, të cilën ai e akuzon për “veprime të paligjshme dhe të pabaza kundër Shteteve të Bashkuara dhe aleatit tonë Izraelit”.
Si pjesë e sanksioneve, zyrtarëve të GJPN-së dhe punonjësve të tjerë u ndalohet hyrja në SHBA, gjithashtu ndalohen dhe anëtarët e familjeve të tyre të ngushta si dhe kushdo që mendohet se ka bashkëpunuar me hetimet e Gjykatës. Pasuritë e tyre në SHBA gjithashtu do të ngrihen.
Nga ana e tij, ministri i Jashtëm izraelit, Gideon Sha’ar, ka “përgëzuar” vendimin e Trump, duke shtuar se ata bëjnë thirrje që 125 shtetet anëtare të bashkohen në mbështetje të drejtësisë dhe të drejtat themelore të njeriut.
LEXONI GJITHASHTU:
Protestuesit e Gjeneratës Z në Indi detyrojnë largimin e një ministri, por çfarë vjen më pas?
Merz do të propozojë Steffen Bilger si ministër të ri të transportit
Mali i Olimpit shtohet në Listën e Trashëgimisë Botërore të UNESCO-s
- 13:18 Shkoi për mjekim me armë me vete, 54-vjeçarit nga Lezha i shkrepet pistoleta aksidentalisht
- 13:03 U shoqërua gjatë protestës, lirohet aktivisti Arben Kola: U ndjeva si shqiponjë
- 13:02 Situata e zjarreve, Rama: Kemi mbyllur procedurën për 3 avionë zjarrfikës, do të vijnë në fund të vitit
- 12:47 Tre grupet opozitare: Pro marrëveshjes 302 milionë dollarë me SHBA, jo procedurës së përshpejtuar
- 12:46 Hoxha: Manipulimi i informacionit, instrument presioni hibrid që dëmton demokracinë
- 12:41 “Për shkak të ‘Pandës’ ndodhi Reçaku”, nëna e viktimës së rastit “Panda”: Do ta padis shtetin, Vuçiçi të tregojë të vërtetën