Omicron po aq i rëndë sa variantet e mëparshme të COVID, sipas studimit

Varianti Omicron i virusit SARS-CoV2 është po aq i rëndë sa variantet e mëparshme, ndryshe nga supozimet e bëra në studimet e mëparshme se ishte më i transmetueshëm.

Këto janë të dhënat e publikuara nga një studim në SHBA, nga shkencëtarët e Spitalit të Përgjithshëm të Massachusetts, Universitetit të Minervas dhe Shkollës Mjekësore të Harvardit.

“Ne zbuluam se rreziqet e shtrimit në spital dhe vdekshmërisë ishin pothuajse identike midis periudhave,” thanë katër shkencëtarë që kryen studimin bazuar në të dhënat e 130,000 pacientëve me COVID-19, duke iu referuar dy periudhave të ndryshme të pandemisë.

Studiuesit që arritën në përfundimin se varianti Omicron ishte më pak i rëndë, kryen studime në vende të ndryshme duke përfshirë Afrikën e Jugut, Skocinë, Anglinë dhe Kanadanë.

Ata thanë se studimi i tyre mund të kishte disa kufizime, duke përfshirë mundësinë që ai të nënvlerësonte numrin e pacientëve të vaksinuar në valët më të fundit të COVID, dhe numrin total të infeksioneve, sepse përjashtonte pacientët që kryenin teste të shpejta në shtëpi.

LEXONI GJITHASHTU:

• Blinken infektohet me COVID
• 20 infektime, asnjë humbje jete nga COVID në Shqipëri