Operacion ndërkombëtar antidrogë, arrestohet prokurori i Vlorës dhe shefi i Sektorit kundër Trafiqeve

38 urdhër-arreste janë lëshuar në Shqipëri, Mal të Zi, Itali dhe Spanjë nga një operacion që po zhvillohet si bashkëpunim i Policisë së Shtetit, SPAK-ut me Anti-mafias italiane.

Mësohet se urdhër-arresti është lëshuar për prokurorin e Vlorës, Maksim Sota, për të cilin gjykata ka caktuar masën e sigurisë arrest shtëpie; për Festim Lelaj, ish-drejtor policie në Fier; Ilir Balla, shefi i Sektorit kundër Trafiqeve në Drejtorinë e Përgjithshme, në arrest shtëpie dhe Saimir Kurti, drejtor i Zyrës së Punës në Bashkinë e Kavajës.

Gazetari Merin Maçi raporton se personat e përfshirë akuzohen për korrupsion, shpërdorim detyre, pastrim parash e trafik ndërkombëtar të sasive të konsiderueshme të lëndëve narkotike.

Gjithashtu, po zbatohen vendimet e sekuestrimit të pasurive të dyshuara që rrjedhin nga të ardhurat e aktivitetit kriminal apo të ardhura të tjera të paligjeshme, në vlerë disa milionë euro.

Në orët në vijim, nga ana e autoriteteve italiane pritet të mbahet dhe një konferencë, ku do jepen më shumë detaje për këtë operacion.

LEXONI GJITHASHTU:

• Operacion ndërkombëtar anti-drogë, arrestohen 55 persona, 27 prej tyre shqiptarë
• Operacioni anti-drogë në Berat dhe Skrapar, Gjykata jep masën e sigurisë për të arrestuarit
• Operacion anti-drogë në Berat dhe Skrapar, SPAK lëshon 23 urdhër-arreste, mes tyre policë e zyrtarë