Operacion blic nga policia në Durrës, sekuestrohen sasi municionesh

Policia në Durrës ka organizuar një operacion nga i cili janë sekuestruar lëndë shpërthyese të llojit më të fortë.

Samed Lisaj, banues në Shkodër, u arrestua teksa po udhëtonte me taksi pasi policia i gjeti dy granata, 490 fishekë, 491 gramë lëndë plasëse e dyshuar C4, si dhe katër detonator (çelës shpërthimi).

Lisaj i kishte futur municionet në një çantë.

Në njoftimin e policisë së Durrësit bëhet me dije se nga ky operacion është arrestuar në Krujë dhe Isuf Bami, person i shpallur në kërkim për kultivimin e bimëve narkotike. Ndërsa Ilir Mema, banues në Durrës, u arrestua për vjedhje.

Operacioni është në vijimësi dhe priten arrestime të tjera nga Policia e Durrësit.

LEXONI GJITHASHTU: 

• “Policia e pranishme në të gjithë vijën bregdetare”, Rama thirrje subjekteve: Kush nuk ka dokumentacion të lirojë hapësirat
• Policia njofton ndëshkimin e mijëra shoferëve në ditë për sjellje të rrezikshme në rrugë
• Policia harton plan masash për mbarëvajtjen e sezonit turistik