Operacioni anti-drogë në Berat dhe Skrapar, Gjykata jep masën e sigurisë për të arrestuarit

Gjykata e Posaçme kundër Korrupsionit dhe Krimit të Organizuar (GJKKO) ka dhënë masën e sigurisë për 23 personat e arrestuar ditën e djeshme, që dyshohen të jenë pjesë e një grupi kriminal.

Gazetari i Euronews Albania, Eni Ferhati raporton se 16 prej të dyshuarve janë lënë në ‘arrest me burg’, ndërkohë që katër prej tyre janë në ‘arrest shtëpie’ dhe tre të tjerë ‘detyrim paraqitje’.

Prokuroria e Posaçme Kundër Korrupsionit dhe Krimit të Organizuar, në bashkëpunim me policinë, ka goditur ditën e djeshme këtë grup kriminal që merrej me kultivimin dhe trafikun e drogës në Skrapar dhe Berat.

Mes atyre që kanë marrë masën e sigurisë arrest me burg ishin dhe punonjësit e policisë Bardhyl Çela dhe Astrit Duro si dhe Neritan Naska (Shef i Stacionit të Policisë Poliçan)

Po kështu, akuzohen për shpërdorim detyre edhe zyrtarët: Edmon Zotko me detyrë Administrator i Njësisë Administrative Tërpan dhe Fatos Lamaj, me funksion Kryeplak i fshatit Çorrogjaf.

Për këtë operacion nuk ka munguar edhe një reagim nga ministri i Brendshëm, Bledi Çuçi, i cili e ka quajtur operacion i rëndësishëm për goditjen e fenomenit të kultivimit të kanabisit në vend.

Lexoni gjithashtu: 

Operacion anti-drogë në Berat dhe Skrapar, SPAK lëshon 23 urdhër-arreste, mes tyre policë e zyrtarë