Operacioni anti-drogë në Korçë, arrestohet 24-vjeçari që ishte shpallur në kërkim

Një 24-vjeçar është arrestuar këtë të enjte në kuadër të operacionit policor anti-drogë i koduar “Restart 14”, i zhvilluar 4 ditë më parë.

Shtetasi K. P. i cili ishte shpallur në kërkim, u vu në pranga pasi në bashkëpunim me 4 shtetas të tjerë (3 prej tyre të arrestuar), do të transportonin 8.2 kg lëndë narkotike kanabis.

“Në kuadër të këtij operacioni, në qytetin e Ersekës, u sekuestruan në cilësinë e provës materiale 8.2 kg lëndë e dyshuar narkotike kanabis dhe u arrestuan në flagrancë 3 shtetas, të cilët në bashkëpunim me shtetasit K. P. dhe G. D. (në kërkim), ushtronin aktivitetin kriminal të shpërndarjes së lëndëve narkotike”, thuhet në njoftimin e policisë

Vijojnë hetimet për dokumentimin e plotë të kësaj veprimtarie kriminale dhe për kapjen e 35-vjeçarit G. D.