Opozita mbështet protestën për rritjen e çmimeve, ambasada e SHBA thirrje për kujdes

Ditën e sotme, në orën 17:00 është lajmëruar për protestë nga shoqëria civile përpara godinës së Kryeministrisë kundër rritjes së çmimeve të bukës, kafes, dritave dhe karburantit.

Protesta do të jetë pa organizim, ndërsa edhe opozita bëri thirrje për t’iu bashkuar kësaj proteste.

Ambasada e Shteteve të Bashkuara nga ana tjetër ka bërë thirrje për të treguar kujdes dhe për të shmangur grumbullimet.

“Ndërsa shumë tubime mund të zhvillohen në mënyrë paqësore, në disa raste situata mund të ndryshojë shpejt dhe në mënyrë të paparashikueshme,” – shkruhej në njoftimin e ambasadës e cila këshilloi qytetarët të ndjekin udhëzimet e autoriteteve.

Nga ana e Policisë së Shtetit nuk ka ende asnjë reagim për protestën në fjalë. Nuk dihet nëse efektivët do të jenë para Kryeministrisë këtë pasdite për të shpërndarë grumbullimin e qytetarëve, referuar rregullave të parandalimit të përhapjes së COVID-19.

Ishte kryeministri Edi Rama ai i cili paralajmëroi rritje të çmimeve.

LEXONI GJITHASHTU: 

• Juristi paralajmëron protestë ndryshe: Rritja e çmimit të bukës është shqetësuese
• Protesta kundër vaksinimit të detyrueshëm, procedohen 10 persona në Tiranë
• Përzierja e nxënësve në klasa të ndryshme protestohet nga prindërit në Korçë