Orban: Ukraina po e shantazhon Hungarinë duke mbyllur tubacionin e naftës

Kryeministri hungarez Viktor Orbán tha sot se “Ukraina po e shantazhon Hungarinë” duke ndaluar rrjedhën e naftës përmes tubacionit rus “Družba”.

Në një deklaratë video të publikuar në Facebook, Orban tha se kjo do të jetë pika e parë në rendin e ditës të mbledhjes së sotme të qeverisë dhe theksoi se qëllimi i shantazhit ukrainas ishte të detyronte Hungarinë të bashkohej me koalicionin e vendeve evropiane pro-luftës, raporton MTI.

“Prandaj, ekziston një presion i madh në Evropë që lufta të vazhdojë, dhe Ukraina dëshiron veçanërisht që të gjithë ne, të gjitha vendet evropiane, përfshirë Hungarinë, t’i bashkohemi luftës. Ne ende po luftojmë me këtë sot”, përfundoi Orban. Hungaria furnizohet me naftë ruse përmes tubacionit të naftës “Družba”, dega jugore e të cilit kalon nëpër Ukrainë.