Organizata merr në mbrojtje macet e futbollistit pas videos ku ai i keqtrajton

Një organizatë bamirësie për kafshët po kujdeset për macet e futbollistit francez Kurt Zouma.

Kjo ndodhi pasi 27-vjeçari, i cili aktualisht luan për West Ham United në Angli, shihet duke shkelmuar dhe goditur një mace në një video të publikuar nga gazeta The Sun.

Ai kërkoi falje për veprimet e tij dhe tha se ishte penduar.

Të mërkurën, organizata bamirëse e kafshëve në Mbretërinë e Bashkuar RSPCA tha se kishte marrë macet në kujdes.

“Ne do të donim t’i sigurojmë njerëzit se po hetojmë dhe macet janë të sigurta dhe nën kujdesin tonë. Ne jemi marrë me këtë që përpara se klipi të bëhej viral në internet dhe na duhet kohë për të kryer hetimin tone,” – deklaroi organizata RSPCA.

West Ham tha se Zouma po bashkëpunonte me RSCPA.

LEXONI GJITHASHTU:

• Dua Lipa triumfon në Brit Awards