Ortekët e borës bllokojnë aksin Qafë Thore-Theth, zona paraqet rrezik të lartë për qarkullim

Aksi Qafë Thore-Theth këtë të diele është bllokuar plotësisht për shkak të rënies së ortekëve të orës në rrugë. Mësohet se qarkullimi do të qëndrojë i mbyllur për të gjitha automjetet pasi zona paraqet rrezik të lartë.

Siç shihet edhe nga pamjet nga vendi i ngjarjes në rrugë ka sasi të madhe bore dhe rreziku për rënie e ortekëve të tjerë të borës është i lartë.

“Si pasojë e rënies së ortekëve në zonën pranë tuneleve panoramike të aksit Qafë Thore-Theth, rruga është bllokuar plotësisht. Për arsye sigurie, qarkullimi do të qëndrojë i mbyllur për të gjitha automjetet, përfshirë edhe mjetet borëpastruese, pasi zona paraqet rrezik të lartë për kalim. U bëjmë thirrje drejtuesve të mjeteve të respektojnë sinjalistikën, të shmangin këtë aks dhe të ndjekin njoftimet zyrtare për përditësime të mëtejshme”, njofton Prefekti i Qarkut Shkodër.