Orteku godet makinën e mjekut dhe infermierit të Kelmendit

Mjeku Ardjan Kellici dhe infermieri Zek Tataj, punonjës të qendrës shëndetësore në Tamarë të Kelmendit, në Malësinë e Madhe, janë goditur nga një ortek në zonën e Selcës dhe automjeti i me të cilin ata udhëtonin ka përfunduar disa metra në humnerë.

Fatmirësisht mjeku, infermieri dhe drejtuesi i automjeti, Pëllumb Mitaj kanë pësuar vetëm dëme të lehta dhe ndodhen jashtë rrezikut për jetën.

Pasi janë njoftuar, kanë ndërhyrë banorët e zonës, duke i nxjerre nga fuoristrada e rrëzuar dhe i kanë dërguar për në spitalin e Shkodrës.

E gjithë zona e Këlmendit është përfshirë nga reshje të shumta dëbore e si pasojë ka pasur probleme në qarkullim si dhe në furnizimin me energji elektrike.