OSBE njoftoi zyrtarisht përfundimin e misionit vëzhgues në Ukrainë si pasojë e vendosjes së vetos nga Rusia për zgjatjen e mandatit të pranisë së saj.

Presidenti i Organizatës, Zbigniew Rau tha se opozita e Federatës Ruse nuk u la zgjidhje tjetër, edhe pse ata kishin eksploruar të gjitha opsionet përmes dialogut me shtetet anëtare për arritjen e rinovimit të mandatit të misionit.

“Ky nuk është një vendim i lehtë. Ne kemi eksploruar të gjitha opsionet e mundshme përmes dialogut me shtetet anëtare për të arritur rinovimin e mandatit të misionit, por opozita e Federatës Ruse nuk na la zgjidhje tjetër”, deklaroi presidenti i organizatës, ministri i Jashtëm polak, Zbignieë Rau.

Misioni i OKB-së në Ukrainë së fundmi është ndodhur nën presionin e republikave separatiste dhe nga Moska, ku e akuzojnë atë për spiunazh në shërbim të fuqive perëndimore.

Katër anëtarë të stafit të OSBE-së u arrestuan në pjesën lindore të Ukrainës nga trupat ruse, të cilët u akuzuan për tradhti, spiunazh dhe aktivitete të tjera ilegale.

Zëdhënësja e Ministrisë së Jashtme ruse, Maria Zakharova, vuri në dukje se anëtarët e misionit kishin furnizuar rregullisht ushtrinë ukrainase dhe shërbimet sekrete të huaja me informacione mbi vendndodhjen e milicive në Donetsk dhe Luhansk.

LEXONI GJITHASHTU

• OSBE kërkon lirimin e menjëhershëm të zyrtarëve të saj në Ukrainë
• Zyrtarë të OSBE-së arrestohen në Ukrainë