OSBE kërkon lirimin e menjëhershëm të zyrtarëve të saj në Ukrainë

Organizata për Siguri dhe Bashkëpunim në Evropë (OSBE) ka bërë thirrje për lirimin e menjëhershëm të katër zyrtarëve të saj në Ukrainë.

Zyrtarët, të cilët janë pjesë e Misionit Special të Monitorimit (SMM) janë arresuar në rajonet e Donjeckut dhe Luhanskut, shkruan CNN.

“Arrestimi i anëtarëve të misionit kombëtar SMM në Donjeck dhe Luhansk është i papranueshëm dhe ne bëjmë thirrje për lirimin e menjëhershëm të tyre,” tha në një deklaratë kryetari i OSBE-së dhe Ministri i Jashtëm polak Zbigniew Rau.

OSCE Chairman-in-Office @RauZbigniew and Secretary General @HelgaSchmid_SG call for immediate release of detained OSCE officials in areas of Donetsk and Luhansk

Read more here ⬇️ https://t.co/Yz1qvVP4nz

— OSCE (@OSCE) April 24, 2022

OSBE njoftoi se disa nga anëtarët e stafit të saj ishin privuar nga liria, por nuk ka konfirmuar publikisht se kush është përgjegjës për ndalimin e tyre, megjithëse zonat në Donjeck dhe Luhansk kontrollohen nga separatistët e mbështetur nga Rusia.

Misioni Special i Monitorimit (SMM) është një divizion civil i paarmatosur i OSBE-së, i cili ka për detyrë të vëzhgojë dhe raportojë mbi zonat e konfliktit.

Misioni u zhvillua në Ukrainë që nga viti 2014 me kërkesë të qeverisë, pas aneksimit të Krimesë nga Rusia dhe shpërthimit të konfliktit në rajonin e Donbasit.

LEXONI GJITHASHTU

• Zyrtarë të OSBE-së arrestohen në Ukrainë