Ozil mbërrin në Turqi, mesfushori pozon me ngjyrat e Fenerbahçes, gati kontrata e re  

Mesfushori Mesut Ozil ka mbërritur në orët e para të mëngjesit të së hënës në Turqi, ku do të nënshkruajë me skuadrën e Fenerbahces.

Ish-lojtari i Arsenal ka pozuar me ngjyrat dhe simbolet e skuadrës së dytë më të titulluar në Turqi. 32-vjecari nuk ishte në planet e Arsenal dhe nuk luante që nga muaji mars.

Topçinjtë vendosën që ta largonin futbollistin gjashtë muaj para fundit të kontratës, në mënyrë që të mos e humbnin me parametër 0.

Ozil konsiderohet si një nga lëvizjet më të bujshme në Turqi. Mesfushori arriti që të merrte Kupën e Botës me Gjermaninë në vitin 2014.

Sipas informacioneve paraprake, Ozil pritet që të nënshkruajë për 3 vite e gjysmë me Fenerbahçen. Edhe pse ka përfaqësuar kombëtaren e Gjermanisë, 32-vjecari ka lidhje të ngushta me Turqinë, vendin e tij të origjinës.