Pagesa e orëve shtesë, sindikata: Policia ka burime financiare, por ka munguar vullneti

Pune jashtë orarit, kohë pa kohë, e papaguar. Është kjo situata prej tre vitesh me punonjësit e Policisë së Shtetit.

“Këto detyrime që janë të emergjencës që ne i fusim si sindikatë, i kemi konsideruar pagesa emergjence,” – u shpreh kreu i Sindikatës së Punonjësve të Policisë, Sadetin Fishta

Urdhri i drejtorit të ri Gledis Nano për pagesën e orëve shtesë që nuk jepet prej 3 vitesh mund të ndryshojë situatën. 

Fishta thotë për Euronews Albania se pagesat e mbartura të orëve ndër vite nuk vijnë për shkak të mungesës së fondeve, por për shkak të vullnetit të drejtuesve të policisë.

“Burime financiare brenda policisë ka për t’i paguar dhe burime jo nga buxheti, por burime të tjera, por nuk ka qenë vullneti nuk ka qenë dëshira, s’ka qenë edhe mundësia që këto drejtues që kanë qenë para këtij drejtori, nuk e kanë pasur asnjëherë, nuk e kanë kthyer kokën poshtë,” – tha ai.

Kreu i sindikatës shton se ende nuk ka një faturë financiare se sa do i kushtojë arkave të policisë ky urdhër i ri pasi vlerësimi i orëve jashtë orarit bëhet mbi bazën e gradave të efektivëve.

Sipas burimeve pagesa e orëve shtesë do të mundësohet nga fondet e Policisë së Shtetit apo paratë e konfiskuara të grupeve kriminale.

LEXONI GJITHASHTU: 

• Pagat e policëve, Çuçi: Projekt për Policinë e Shtetit për të marrë të ardhura pa cenuar buxhetin e shtetit
• 100-ditëshi i policisë, Durrësi dhe Shkodra më të suksesshmit, në Tiranë Komisariati nr. 1
• Gledis Nano merr zyrtarisht detyrën me premtimin për reformim të mëtejshëm të Policisë së Shtetit