Pandeli Majko tregon takimin me Albright në Shtëpinë e Bardhë

Ish-kryeministri Pandeli Majko kujtoi takimin e parë me ish-sekretaren amerikane të shtetit, Madeleine Albright në Shtëpinë e Bardhë.

Gjatë emisioni ‘Sot’, Majko tregoi emocionet e takimit të rëndësishëm, i pari për të në SHBA si kryeministër dhe se si e kishte zhbllokuar situatën me një batutë humori.

“Ajo mbante në dorë disa kartona, letra në dorë dhe përsëriste mesazhet, se një nga cilësitë e administratës amerikane është që mesazhet janë të unifikuara, nuk janë mesazhe të personifikuara. Ato janë të qarta dhe me fjali të shkurta. Kur ajo me pyeti çmendim kisha për ato që po thoshte. I thashë zonjë, kur kam ardhur këtu më thanë që nuk duhet të kundërshtoj asgjë. Sigurisht bëra humor dhe ky humor e zhbllokoi tërësisht situatën”, kujton Majko.

LEXONI GJITHASHTU:

• Veton Surroi: Albright e identifikoi luftën në Kosovë si të sajën
• Osmani shpall ditë zie të premten për vdekjen e Albright