Pandemia COVID-19, Maqedonia e Veriut shqyrton propozimin për heqjen e testeve me fqinjët

Komisioni për sëmundje ngjitëse në Maqedoninë e Veriut ka propozuar heqjen e testit PCR, si kusht për kalimin në kufij të shtetasve të Kosovës, Malit të Zi dhe Serbisë.

Sipas informacionit të Ministrisë së Shëndetësisë, ky propozim do të diskutohet në mbledhjen e Qeverisë dhe më pas do të merret vendimi final.

Ministria dhe Komisioni e arsyetuan propozimin me faktin se gjatë periudhës së fundit nuk janë regjistruar raste të shumta të të infektuarve që janë importuar nga këto shtete në Maqedoninë e Veriut dhe për këtë shkak vlerësohet se hapja e kufijve me këto shtete fqinje është e sigurt.

Lexoni gjithashtu:

Rritet sërish shkalla e përhapjes së COVID-19 në RMV