Pandemia covid-19 rriti mashtrimet, Drejtoria Parandalimit të Pastrimit të Parave jep alarmin

Tetë muajt e pandemisë së Covid-19 jo për të gjithë kaluan nën ethet e infektimit nga koronavirusi, pasi individë të ndryshëm e shfrytëzuan këtë periudhë për mashtrime. Alarmi vjen nga Drejtoria e Parandalimit e Pastrimit të Parave e cila përmes një udhëzimi njofton se gjatë pandemisë tendencat për këto krime u rritën ndjeshëm.

Periudha e pandemisë u shfrytëzua nga disa individë për rritjen e mashtrimeve. Alarmi vjen nga drejtoria e parandalimit të pastrimit të parave përmes një udhëzimi me risqet që lidhen me Covid-19.

Nga të dhënat e administruara nga ky institucion mësohet se grupet kriminale apo individë të caktuar kanë shfrytëzuar periudhën e pandemisë për të mbledhur fonde për organizata bamirëse fiktive, mashtrime në fushën e mjekësisë (përfshirë këtu dhe mashtrimet për investime) dhe shitjet në internet të ilaçeve të falsifikuara dhe furnizimeve mjekësore, siç janë pajisjet e testimit dhe ato që shërbejnë për mbrojtjen personale.

Në udhëzimin e publikuar thuhet se këta individë për të vënë në jetë planin e tyre shpesh herë prezantoheshin edhe si zyrtarë të qeverisë për të rritur nivelin e besueshmërisë.

Një tjetër fushë me risk të lartë sipas drejtorisë së parandalimit dhe pastrimit të parave është edhe krimi në internet. Në një kohë kur përdorimi i këtij shërbimi ka pësuar rritje gjatë kësaj periudhe, kriminelët e kanë e shfrytëzuan atë për instaluar viruse në kompjutera dhe telefonat celular.

Gjithashtu me shqetësim ka shfaqur edhe financimi i terrorizmit nga grupe të ndryshe të cilat mund të përdorin krizën e COVID-19 për të mbledhur ose transferuar dhe për të intensifikuar aktivitetin e tyre të jashtëligjshëm.