Pandemia e Covid-19 në Kosovë, gjashtë të vdekur dhe mbi 300 të infektuar

Në Kosovë gjatë 24 orëve të fundit kanë humbur jetën gjashtë qytetarë, ndërsa nga kryerja e 1 589 testeve të dyshuara për coronavirus, 363 kanë rezultuar pozitivë.

Këto të dhëna janë bërë publike nga ana e Institutit Kombëtar të Shëndetit Publik, i cili shton se krahas rasteve të reja, 418 pacientë janë shëruar nga coronavirus.

Autoritetet shëndetësore në Kosovë bëjnë të ditur se deri tani nga Covid-19 kanë humbur jetën 1405 pacientë, ku shumica e tyre, kanë qenë me sëmundje të tjera shoqëruese.

“Numri total i rasteve pozitive është 55.498 raste nga 206.941 persona të dyshimtë në virusin SARS-CoV-2 dhe 1.405 raste të vdekjes. Gjatë 24 orëve të fundit, janë shëruar 418 pacientë derisa numri i përgjithshëm i të shëruarve deri më sot është gjithsej 48.990 raste, kurse numri i rasteve aktive është 5.103”. thihet në njoftim.

Rastet pozitive:

 Prishtinë 109 raste, Podujevë 41 raste, Mitrovicë 28 raste, Vushtrri 17 raste, Gjilan 15 raste, Deçan 14 raste, Prizren 13 raste, Lipjan 12 raste, Pejë 12 raste, Malishevë 11 raste, Suharekë 10 raste, Viti 10 raste, Fushë-Kosovë 9 raste, Gjakovë 9 raste, Rahovec 9 raste, Ferizaj 6 raste, Dragash 5 raste, Junik 5 raste, Kamenicë 5 raste, Istog 4 raste, Klinë 4 raste, Skenderaj 4 raste, Drenas 3 raste, Obiliq 3 raste, Graçanicë 2 raste dhe me nga një rast komunat Kaçanik, Novobërdë dhe Shtime.