Pano Soko: Vendosja e fashës 800kw nuk sjell kursim të energjisë

Eksperti i ekonomisë, Pano Soko thotë se vendosja e fashës 800kw, nuk do të sjellë kursim të energjisë nga konsumatorët familjarë.

Në një intervistë për Euronews Albania, Soko u shpreh se pjesa më e madhe e shqiptarëve, ngrohen në dimër me elektricitet.

Sipas tij, nuk është bërë asgjë për procesin e gazifikimit në vend.

“Në verë nuk shpenzojmë, bëhet fjalë për muajt e dimrit. Aty ai 4 për qindëshi bëhet edhe 40. Ngrohen me elektricitet, sepse edhe për gazifikimin nuk u bë gjë. Unë besoj se 800kw është një kërkesë që vjen në dimër. Çdo gjë kushton më tepër energji në dimër. 800kw nuk është atribut i disa familjeve me në standard të caktuar. E kalon, në dimër, në muajt e ftohtë janar, shkurt e kalon, nuk diskutohet”, theksoi ai.

Çmimi i energjisë elektrike për muajin tetor nuk do të ndryshojë, ndërsa përgjatë këtij muaji do të do të rishikohet situata dhe do të vendoset nëse çmimi 42 kilovat do të aplikohet gjatë muajit nëntor për të gjithë konsumatorët që kalojnë fashën 800 kilovat.

Disa ditë më parë, nëmbledhjen e ERE u vendos që hiqet fasha 800 kwh për muajin tetor, ku votuan 5 anëtarë.

LEXONI GJITHASHTU

• Tabaku në mbledhjen e ERE-s: Anuloni vendimin për vendosjen e fashës 800kw
• Çmimi i energjisë, ERE: Hiqet fasha 800 kwh për tetorin
• Siguria dhe energjia/ Samiti i Pragës, në fokus pasojat e luftës në Ukrainë