Papa Leo XIV takim me të mbijetuarit e abuzimit seksual nga kleri katolik

Papa Leo XIV është takuar për herë të parë të hënën me të mbijetuarit e abuzimit seksual nga kleri katolik. Ky takim vjen disa ditë pasi komisioni i Vatikanit për mbrojtjen e fëmijëve akuzoi udhëheqësit e lartë të Kishës se janë shumë të ngadaltë për të ndihmuar viktimat.

Leo  XIV zhvilloi një takim me organizatën Ending Clergy Abuse, një koalicion ndërkombëtar i të mbijetuarve të abuzimeve seksuale. Takimi i Papës me gjashtë viktima të abuzimit zgjati rreth një orë dhe ishte një moment i rëndësishëm dialogu.

Kisha me 1.4 miliardë anëtarë është tronditur për dekada nga skandale në të gjithë botën që përfshijnë abuzime dhe mbulim të fakteve, duke dëmtuar besueshmërinë e saj dhe duke i kushtuar qindra miliona dollarë në zgjidhje çështjesh.

Një raport jashtëzakonisht kritik nga komisioni i Vatikanit për mbrojtjen e fëmijëve, i lëshuar të enjten, fajësoi peshkopët e lartë për mosdhënien e informacionit viktimave në lidhje me mënyrën se si po trajtoheshin raportet e tyre të abuzimit, ose nëse peshkopë ishin sanksionuar.

Gemma Hickey, një e mbijetuar kanadeze që mori pjesë në takimin e së hënës, tha se Papa u takua me viktimat në zyrën e tij në pallatin apostolik të Vatikanit, bëri fotografi me to dhe dëgjoi me kujdes.

“Papa Leo është shumë i ngrohtë, ai dëgjoi,” tha ajo. “Ne i thamë se vijmë si ndërtues urash, të gatshëm të ecim së bashku drejt së vërtetës, drejtësisë dhe shërimit,” shtoi Hickey.

LEXONI GJITHASHTU:

• I njohur si “ndikuesi i Zotit”, Papa Leoni shpall shenjtor adoleshentin
• Osmani takohet me zyrtar të lartë të Vatikanit, fton Papa Leon të vizitojë Kosovën