Importi i karburanteve ra me 10 për qind në muajin mars dhe rënia u thellua gjatë tremujorit të dytë të vitit.
Sipas të dhënave të Ministrisë së Financave në muajt prill, maj dhe qershor rënia e importit të naftës ishte mesatarisht 17 për qind në krahasim me të njëjtën periudhë të një viti më parë.
Megjithatë, në të njëjtën periudhë konsumi me pakicë i karburanteve u rrit me mbi 5 për qind, sipas të dhënave të publikuara nga INSTAT në raportin e tregtisë me pakicë.
Paradoksi i rënies së importeve dhe rritjes së tregtimit me pakicë mund të shpjegohet me faktin që importuesit më të mëdhenj kanë hedhur në treg sasi më të mëdha karburantesh të ruajtura në depozita dhe kanë ulur blerjet e reja kur çmimet e naftës në tregjet ndërkombëtare u rritën.
Çmimi i një litri nafte në Shqipëri në muajin mars arriti rekordin prej më shumë se 260 lekësh.
Situata çoi në ngritjen e bordit të çmimeve, ndërsa një vendim i Qeverisë detyron importuesit që të mbajnë karburante rezervë në depozita për tre muaj.
LEXONI GJITHASHTU