Paralizohet Kosova, transporti urban në grevë, kërkon subvencionet e pandemisë

Duke filluar nga sot nuk do të ketë transport publik në trafikun urban-periferik dhe ndër urban në gjithë Kosovën.

Dështimi i marrëveshjes mes Shoqatës së Transportit Rrugor të Udhëtarëve dhe Ministrisë së Infrastrukturës për subvencionin e operatorëve të transportit, ka sjellë edhe vendimin ekstrem

Kryetar i kësaj shoqate, Kurtishaj theksoi se ky sektor ka pasur humbjet më të mëdha në aspektin ekonomik për shkak të vendimeve të Qeverisë për parandalimin e përhapjes së virusit COVID-19. Ai po ashtu thekson se protesta do të nis nëpër stacione të autobusëve, derisa të përmbushen kërkesat e premtuara nga Qeveria. Nëse kërkesat nuk plotësohen 1 mijë autobusë janë gati për të shkuara para godinës së qeverisë.

Kryeministri në detyrë, Avdullah Hoti, ka kërkuar nga Shoqata e Transportuesve të Udhëtarëve, që sa më parë të kthejnë shërbimet për qytetarët, ndërkohë që ka shprehur gatishmërinë për diskutim me përfaqësuesit e këtij sektori me qëllim të gjetjes së një zgjidhje sa më të favorshme.