Parashikimi i motit, meteorologu Osmani tregon ç’do të ndodhë me temperaturat

Në një intervistë për Euronews Albania, Hakil Osmani, meteorolog pranë Meteoalb tregoi se gjithë java do të jetë me mot të kthjellët.

Dita e martë dhe e mërkurë do të sjellin prezencë ë pakët të vranësirave të cilat do të gjenerojnë reshje të pakta shiu dhe dëbore në zonat malore, ndërkohë që e premtja dhe fundjava do të sjellin prezencë të dukshme të reshjeve.

“Pritet që reshjet të kenë intensitet mesatar jo të lartë,” – tha Osmani duke sqaruar se reshjet e javës së dytë të janarit nuk do të kthehen.

Lajme të mira sa i takon vlerave termike ku përvec ditës së hënë dhe të martë që do të jenë me mot të ftohtë nga e mërkura e në vijim temperaturat do të rriten.

“Do të kemi një përmirësim me 8 apo 9 gradë të vlerave termike,” – u shpreh Hakil Osmani.

Kosova dhe Maqedonia e Veriut do të përballen me një rritje të temperaturave që do të shoqërohet me reshje shiu dhe reshje të pakta bore.