Parashikimi i motit për fundjavën, pritet të ketë më pak reshje shiu

Meteorologu i Meteoalb, Hakil Osmani në Euronews Albania u shpreh se pritet që në ditët në vijim të kemi një përmirësim të kushteve të motit.

“Në vijim pritet të kemi një përmirësim të kushteve të motit, duke bërë që gjatë ditës së sotme, pas mesditës, pritet të kemi një dobësim të sasisë së reshjeve të shiut”, u shpreh ai.

Sipas zotit Osmani të shtunën do të ketë sërish reshje shiu, por me një intensitet më të ulët.

Ndërsa, të dielën do të ketë reshje shiu në zonat veriore, veri-lindore dhe qendrore të vendit.

“Pritet që e shtuna të jetë më vranësira të herëpashershme, por do të sjellë reshje me sasi shumë më të pakta. E diela sjell disi zhvillim të vranësirave duke bërë që reshjet e shiut të jenë më prezente, me një intensitet lokalisht deri mesatar, kryesisht në zonat veriore dhe veri-perëndimore dhe pjesërisht në zonat qendrore të territorit shqiptar”, tha më tej ai.

Lexoni gjithashtu:

Kreu i Emergjencave Civile tregon zonat më të rrezikuara nga përmbytjet: Në tri ditët në vazhdim situata pritet të përkeqësohet

Reshjet e shiut shkaktojnë përmbytje nga Jugu në Veri; Vjosa, Drini e Buna pranë pikës kritike

Moti i keq përfshin vendin, ARRSH njoftim për situatën e rrugëve