Partia Socialiste e Shqipërisë mbush 29 vjet, Rama: Kurrë nuk ka bërë gabimin e cenimit kombëtar

Kryeministri i vendit, Edi Rama ka uruar sot 29-vjetorin e themelimit të Partisë Socialiste me një video, e cila tregon rrugëtimin e saj në histori.

Shefi i mazhorancës thekson se Partia Socialiste është forca më e madhe politike, e cila ka fituar dhe ka humbur zgjedhje, ndërsa shton se ajo kurrë nuk ka gabuar në çështjen e mbrojtjes kombëtare.

Gjithashtu, Rama pohon faktin se PS-ja gjithmonë ka ditur të ripërtërihet. Në videon e publikuar nga Rama shfaqet fjalimi historik i shkrimtarit Dritoro Agolli, i cili më 11 qershor 1991 gjatë Kongresit të 10-të të PPSH kur kërkonte rinovim të partisë, nga e cila lindi edhe Partia Socialiste.

“Gëzuar ditën e lindjes së forcës më të madhe politike shqiptare, Partisë Socialiste, e cila në 29 vjet ka fituar e ka humbur zgjedhje, ka pasur shkëlqime e rënie, po kurrë nuk e ka bërë gabimin e cënimit të interesit kombëtar dhe gjithnjë ka ditur të ripërtërihet, në rrugën e një ideje të madhe e të shumë punëve për Shqipërinë, që vazhdon”, shkruan Rama.