Partizani i bën “gropën”, Skënder Gega jep dorëheqjen nga Kukësi

Pas humbjes së thellë 4-1 përballë Partizanit, ekipi i Kukësit njofton se trajneri Skënder Gega ka dhënë dorëheqjen. Pas ndeshjes, trajneri i ka komunikuar klubit vendimin për dorëheqje dhe ky vendim është pranuar.

“Edhe pse kam pasur mbështetjen, besimin dhe respektin nga të gjithë̈ në situatën që ekipi po kalon në ndeshjet e fundit, marr përgjegjësitë̈ dhe vendimin që të mos vazhdoj më në pozicionin e trajnerit. I kërkova klubit dhe presidentit Gjici të më mirëkuptojë̈ për vendimin tim aspak të lehtë.

Jam ndjerë tepër i vlerësuar dhe i respektuar nga presidenti Gjici, nga i gjithë̈ klubi, stafi, futbollistët dhe mbështetësit e Kukësit. Për mua ishte kënaqësi dhe eksperiencë shumë e mirë pavarësisht me vështirësitë e fillimit”” shprehet Gega duke kërkuar që të mos ketë aludime për dorëheqjen.

Skënder Gega mori drejtimin e Kukësit në gusht 2020 dhe e drejtoi ekipi verilindor për 11 ndeshje në Superligë, duke marrë 5 fitore, 2 barazime dhe 4 humbje. Aktualisht Kukësi gjendet në vendin e 4 në renditje.