Partizani kampion i fazës së parë, 83 gola në 9 javë

Ka përfunduar faza e parë e superligës shqiptare e cila sheh si kryesues Partizanin.

Të kuqtë e Xhovani Kolelës janë skuadra më e mirë në këto 9 javë të luajtura, me 19 pikë të grumbulluara. Ndër të tjera, të kuqtë kanë sulmin e dytë më të mirë në kampionat pas rivalëve të përjetshëm të Tiranës.

Bardheblutë renditen të tretët pas humbjes ndaj Erzenit në Elbasan Arena me rezultatin 0-1.

Skuadra e Orges Shehit ka 15 pikë po aq sa Erzeni, por shijakasit renditen më mirë për shkak të fitores në ndeshjen direkte. Surpriza e kësaj faze ka arritur t’i mposhtë të dyja skuadrat kryeqytetase të cilat shihen si favorite kryesore.

Ekipi me më tepër humbje të pësuara është Laçi me 5 të tilla, për të vijuar më pas me Teutën, Bylisin dhe Kukësin me nga 4.

Me një moral të ulët dhe në vendin e fundit në kampionat janë djemtë e detit, të cilët edhe pas fitores ndaj Egnatias, humbën në shtëpi përballë Partizanit.

Ndeshja më spektakolare e sezonit është padyshim derbi i kryeqytetit dhe paraqitje për t’u mbajtur mend e Xhixhës. Lojtarët që po spikasin janë Sali, Skuka, Xhixha, Kadriu, Rrapaj ndërkohë nga trajnerët Kapllani, Shehi, por dhe Kolela fitues.

LEXONI GJITHASHTU:

• Teuta kërkon një tjetër 3-pikësh, durrsakët presin në shtëpi Partizanin
• Incidentet në derbin e kryeqytetit, disiplina dënon Tiranën dhe Partizanin