Pas 21 nëntorit gjobë 150 euro për targat serbe, Policia e Kosovës sqaron procedurën

Nga 21 nëntori deri më 21 janar, pronarët që kanë ende makina me targat serbe në Kosovë, do të gjobiten me 150 euro.

Në lidhje me këtë Policia e Kosovës në një njoftim për mediat ka bërë me dije se kanë marrë të gjitha masat e duhura për zbatimin e këtij vendimi në ven.

Sipas vendimit zyrtar nga data një 1 nëntor 2022, të gjithë pronarëve të mjeteve që qarkullojnë me targa të tilla ilegale në Kosovë, nga Policia e Kosovës do t’iu vendoset gjobë.

Ndërsa nga data njëzet e 21 nëntor deri me datë 21 janar, për të gjithë pronarët e mjeteve që qarkullojnë në territorin e Republikës së Kosovës me targa të tilla ilegale, do të ndëshkohen me gjobë sipas legjislacionit në fuqi.

Po ashtu policia ka publikuar dhe fletën e gjobës e cila do të aplikohet nga zyrtarët policorë në gjithë territorin e Republikës së Kosovës, përfshirë edhe në pikat e kalimit kufitar.

LEXONI GJITHASHTU: 

• Zgjedhjet lokale, emrat e kandidatëve të mundshëm për primaret e PD-së
• 150 euro gjobë për targat, gazetari: Mund të ketë përshkallëzim të situatës
• Ministria e Brendshme e Kosovës: Pas 21 nëntorit gjobë 150 euro për targat serbe