“Pas parave të pista futen dhe kriminelët”, Fevziu: Jam kundër amnistisë fiskale

Gazetari Bledi Fevziu, deklaroi se është kundër miratimit të amnistisë fiskale.

Në një intervistë për Euronews Albania, gazetari theksoi se një nga arsyet që është kundër kësaj nisme janë taksat që paguajnë qytetarët, pasi sipas tij nuk ka barazi përpara ligjit.

“Unë jam kundër amnistisë fiskale, për disa arsye. Ne jemi njerëz që paguajmë çdo ditë një kuotë të caktuar. Unë paguaj 23% taksa.  Dikush tjetër që i ka shmangur këto taksa, mund të shkojë me 3% të legalizojë këto të ardhura. Ku është barazia para ligjit?”- nënvizoi Fevziu.

Ndër të tjera Fevziu tregoi dhe problemin me të cilin përballet vendi ynë nëse futen para të pista.

“Këtu mund të hyjnë para të krimit. Problemi në vendin tonë është se këto para të pista vijnë fillimisht si para të krimit, pa tyre vijnë dhe kriminelët, dhe pas 6 muaji, një viti, dy vitesh, po këta kriminelë tentojnë të bëhet kryetarë bashkie, tentojnë të hyjnë në parlament pra duke kriminalizuar politikën, një gjë e cila është tentuar dhe në vende të tjera. Nëse Shqipëria do që të zhvillohet, duhet të mbështetet në kapacitetet e veta, në zhvillimin e turizmit infrastrukturën. Amnisti fiskale bëjnë në çdo vend të botës, por duhen parë termat mbi të cilat bëhet”- deklaroi gazetari.

LEXONI GJITHASHTU: 

• ‘Krimi i organizuar financon politikën’, Fevziu: Kritikat e SHBA-së për Shqipërinë
• Deklaratat e Kim, Fevziu: Takimet e saj me opozitën i shikoj si mbështetje