Pas SHBA-ve, efektet e ‘ciklonit bombë’ ndihen dhe në Britani

Mbretëria e Bashkuar do të ndiejë efektet e “ciklonit bombë” që goditi ditët e fundit disa pjesë të Amerikës së Veriut. Zyra britanike e Meteorologjisë paralajmëroi qytetarët për shi të dendur në Skoci.

Paralajmërimi është në fuqi nga ora 3 e mëngjesit të së premtes 30 dhjetor dhe për 15 orët në vijim. Zonat të cilat do të preken nga rrebeshet e dendura janë në Edinburg, Glasgow dhe Stirling.

Shiu, era dhe temperaturat ulëta janë sjellë në brigjet e Mbretërisë së Bashkuar si rezultat i motit ekstrem që goditi kontinentin e Amerikës së Veriut.

Shiu i dendur mund të sjellë disa përmbytje dhe ndërprerje të udhëtimeve, tha shërbimi i motit në Mbretërinë e Bashkuar, por shtoi se “ndikimi nuk do të jetë aq i rëndësishëm sa përjetohet në SHBA”.

“Mbretëria e Bashkuar do të përjetojë kushte të paqëndrueshme me periudha të motit të lagësht dhe me erë për shtatë deri në 10 ditë”, njofton shërbimi meteorologjik.